تحت سماك... عماد عطا عطية

تحت سماك عايش ايوب
فى دنيا بتعذب يوماتى فيا
ودينى على امرى مغلوب
مستنى يارب عطفك عليا

*******
الحب مات جوه الانسان
والكل بيقول يلا يانفسى
لامتى هعيش كده تعبان
كرهت روحى من يقسى
حتى الموت اصبح غالى
درينى من فقرى ياليالى
لا انا قادر اعدل من حالى
ولا اسطر نفسى بجلبيا
******
تحت سماك عايش ايوب
فى دنيا بتعذب يوماتى فيا
******
السندوتش ابو تعريفه
دلوقت اكتر من جنيه
ياما ناس بتنام خفيفه
يرضى مين ونبى يابيه
ثمن العلاج مش لقيينه
وناس بتاكل عيش فينه
طريقنا فين مش عرفينه
الرحمى ياخلق بقى شويه
*****
تحت سماك عايش ايوب
فى دنيا بتعذب يوماتى فيا
*****
اسقونى شربت كتكيت
وكلو انته ديوك رومى
انا راضى اكل الفاتفيت
بس انسه حبه همومى
مش لاقى انا حد اشكيلو
حمل بالطن مش بلكيلو
مافيش غيرك انت تزيلو
ياخالق الكون وعالم بيا
*****
تحت سماك عايش ايوب
فى دنيا بتعذب يوماتى فيا
*****
كلمات
تحت سماك
عماد عطا عطية