فين وعودك .... للشاعرة/ نـــور على

فين وعودك
قولت يلا إوعدينى
واحلفيلى
تبقى ليّه ضى عنى
واوعدينى ما تسيبينى
قولت إيدى بمدهالك
إمسكى فيها وخدينى
كونى ليّه نور سنينى
قولت هبقى ليكى نفسك
قولت هبقى حتى روحك
واما حد فى يوم يضايقك
هاجى اطيب لك جروحك
وانا صدقت الكلام ،،واقتنعت
قولت انت هتكون امانى
وتخفف آلام زمانى
فجاه شوفتك حد تانى
قسوتك مخوفانى
حاسه انك انسان انانى
مش بتفكر غير ف نفسك
جرحى عندك مش مهم
والدموع ال فى عيونى
مش بتفرق تانى عندك
كان سراب
كل كلمه قولتها كانت سراب
والوعود والعهود
شفتها وياك ضباب
كل كلمه قولتهالى
صبحت ليّه اكبر عذاب
خسارة انى صدقتك
واتوهمت بحلم كداب
هوعدك مش هأمن يوم لحد
بعد ما ظنى فيك خاب
بقلمى ..نور