أنا اللي ع البيبان واقف ....قطب صلاح رمضان

ولسه قلبي بيخبَّط
وباصص ..
بس مش شايف
ومن حيرتي باقول
موجوع
وآهه ..
بتطفي في شموعي
وجوايا غرام
خايف
أنا اللي ع البيبان
واقف
يا ريت يا ربنا الموجود
حكايتي ماليها أي حدود
وقلبي فيها ..
عاش مفقود
لكن لسّاه ما بين ضلعي
ساكت ومعاه انا ماشي
أداري م العيون
دمعي
مفيش غيرك إله الكون
شايف قلبي ..
داري بحالي
غلبت أقول
وغنى الحرف موالي
وجوايا غرام خايف
يبات مكسور
أنا اللي ع البيبان واقف

(#جميع_الحقوق_محفوظه_من_ديوان_لسه_فاكر)