حاسة بيك وبنبض قلبك
كل حلمي اعيش واكون طول عمري جمبك
بعتااالي.. رسالة وهدية
بتقولي.. املي انك تكون ليا
بعتالي كلام حنين واشواق
كلام باين كلام عشاق
وراسمة حروفي جوا قلوب
كاتبة القلب دايب دوب
وكلام كتير وحروف اكتر
بتقولي امتى هتقدر ؟
امتى هتحسسني بقربك ؟
وامتى هتعرف اني بحبك؟
بعتلها وقولتلها في نفس اليوم كتبتلها
ودموعي ثابتة في عنيا
..كتبالي في رسالتك بحبك!!.. بتحبي ايه فيا ؟؟
العمر فات والقلب مات وخلاص مفيش شيئ ينفعك
كل اللي فيا حزن واسية وجراح اكيد هتوجعك
عيزاني ليه؟ قوليلي عاجبك فيا ايه؟
مش شايفة دمع العيون نازل ع الخدود ازاي
مش شايفة عمري ضاع هدر وراح مش جاي
مش شايفة صورتي بكل احزانها
مش شايفة عيني وشايفة حرمانها
عيزاني ليه؟ اتكلمي ومتسكتيش
قوليلي فاضل مني ايه علشان معاكي يعيش
كل اللي فيا حزن واسة ودموع واهات
وكلها يوم او يومين وابقى من الاموات
بعتالي ليه انا بالذات؟؟
عايزه لية تأسي على نفسك وتظلميها
وتمشي سكتك مع حد ميت واستحالة تكمليها
بعتالي ليه ؟؟
كتبالي كلام حب وغرام ودا كلة ليه ؟
متظلميش نفسك معايا واوعى تاني تفكري فيا
دا خلاص العمر فات ومفيش حاجة في اديا
لا فيا شيئ ينفعك ولا فيا قلب يسمعك
كل اللي فيا حزن واسية وجراح اكيد هتوجعك
وفري كلامك عليا وبطلي تحبيني
مسيري بكرة هموت واكيد هتقدري تنسيني
محمد صلاح
ليست هناك تعليقات:
إرسال تعليق