لما نلاقي الأيام لمّه
أجمل صُحبه وأجمل لمّه
تبقى حياتنا أماني وفرحه
وعطور من أزهار الكلمه
وغناوي بترقص ع النغمه
وليالي بتعزف موال
مريم جمعه الشمس الطالعه
على تغريدة رحمة بلال
وامّا الضلمه بتحجب شوفي
والا ساعات تهزمني ظروفي
ضي البسمه لهيفرون صوفي
تملا الدنيا ف عيني جمال
صوتي يغنّي الحب غناوي
والألحان منّي ما تخلصش
اجمل غنوه لمنى يحياوي
غنوه عشان فتحية الدبش
يهرب منّي الحرف ويبعد
أجري وراه يسابقني ويحوِّد
سابني وراح لسناء السيد
إللي جمالها الهادي غزال
نور علي تيجي بضحكة عينها
يصبح فعلا يومي لذيذ
وملاك تيجي بنور ف جبينها
تبقى هويدا عبد العزيز
أحلامنا تفرفط احلام
والأيام أجمل أيام
على تغريد عزف الأقلام
لحن النور يا عبير ياهلال
تبقى حياتنا أماني وفرحه
وعطور من أزهار الكلمه
وغناوي بترقص ع النغمه
وليالي بتعزف موال
سيد منيرعطيه
ليست هناك تعليقات:
إرسال تعليق