رجوع ....سمير فرج عبد القادر

 مفتتح
ـــــــ
كتب القلم اسمِك
نطق الكلام
آيه
داخل انا ف رسمِك
ياخارجه جوايا

قصيدة
ــــــــــ
وقت الشتا ترمي الغُنا ف الطل
وتشدي من قلبي الحروف عناقيد
ساعة نزول المطر ...
ترمي عناقيدي
تحضن رذاذ المطر
وتنقر الشبابيك
تايه ياتنهيدي
....................
لما اكتبك حرف ف قصيده
يرفض حروفك ع الورق قلمي
واشعر بان المدَاد ...
جوا القلم مسروق
ون يوم طاوعني القلم
يبقي الكلام ع الورق
باهت ومش منطوق
.......................
لمي ابتساماتك بقا
من فوق شبابيكي
دا الحلم كان في المهد
مدبوح علي ايديكي
........................
من بين رذَاذْ المطر
لميت عناقيدي
نفّضتها م الطين
رجّعت تنهيدي
.............................. سمير فرج عبد القادر
من ديواني الاول