وعاتبتُ أمى .... فعاتبتْنى ...حمودة سعيد محمود

لســــــه يا أمـــه نازله تشكى
لســـــه يا أمــــه مهــــدتـيش
كل ســــــاعة القـــاكى تبكى
اشكى همــــــــك متـــــداريش

يا أمـــــه قولى ايه حصــل لك
حتى لما مـــــــــات أبـــــــويا
بردوا يا أمـــــــه منســــتيش

يا أمـــه قولى أيــه جـــرا لك
النهارده جـــيت لك أسمـــــع
بس قــــــــولى ومتخـــافيش

ياما شفـــت حـــــاجات كتيـر
فيكى يا أمـــه ما ليها حـــــل

فاكره يا أمــــه يـوم ما كنتى
تيجى جنبى ... وتقــــولى لى
النهــــارده ....خليتها خـــــل

ليـــــه بتضرب بس لـــــوجى
من عمايلك .... قلبـــى مـــل
يا ابنى حاسب ... دول بناتك
أوعى تزرع جوه قلبك أى غل

قلت مـــاشى بس يـــا أمـــــه
من عمايل زفت لوجى قلبى شل

شفتى يا أمـــه عامـــــــــله كيــف
لما لبست توب عروسه فى المحل
ولا سمـســم يــــــــوم مــــا حطت
فـــــوق خـــــــدودها كيـــــلو جــل

انصحيـــهم يا أمــــه عيــــب
ولا عـــــــــايزه الناس تقـول
الحيـــــــــاء من عنـــــده قل

يا أمـــــــــه لاحظى دول بنــات
أى حاجة تاجى منهم بالخسارة
ولا عايزه النـــــــاس تهــــــلل
يوم مماتى ويضربونى بالحجارة

فاكره يـــــا أمـه يوم ما رحـت
على السودان أكتب إعارة
فاكره لــــوجى لمــــــا قــالت
يله أمشى فى ألـــــــف غـارة

هى فــــاكره يعنى يــا أمـــه
إن قولها .......ده شــــطارة
ولمــــــــا بنــت تهين أبوها
فاكره إنو دى حضــــــــــارة
هما دول عـــــــارفين تحضر
ولا دول عايشـــــين فى حارة ؟

مش كفـــــاية بيـــاخدوا منى
كل يـــوم ....... ميــت جنيه
تقولش قــــاعد فى الوزارة
ولا يمــكن عنــــدى بنـــــــك
ولا باملك ...... ميت عمــارة
ما انتى عارفه ... ايه حيلتى
غير هدومى ..... والحمارة

ما تقــولى لى ....بس يا أمه
كيف أشيـــــل عن كتفى هم
ياما قلتـى ........هيـاجى واد
ويوم ما جانى...... جانى غم

صـــــــــــدقينى بس يا أمـه
يــــــــوم ما ألاقى حد عنـدى
وياجى يطلــــب منى حــاجة
غير زواجـــه من بنــــــــاتى
يبقى شخص ما عنـــــده دم

شعر / حمودة سعيد محمود
الشهير بحمودة المطيرى