مش من حقك ..بقلم أ..كرم محمد

مش من حقك. ( أشعار كرم محمد )
مش من حقك تبعد عنى
بعد ما قلبك  يشغلنى
بعد ما دخلت الجنة
و عرفت ازاى معاك اتهنى
ترجع تانى تسبنى لوحدى
و اعيش مع المى و جرحى
مش من حقك  تبعد عنى
بعد ما قلبك يشغلنى
لو عايزنى خلاص انساك
و انسى حبك و انسى هواك
ارجع بينا تانى زمان
و سيب قلبى زى ما ما كان
خالى ما يعرف الحب
و لا حتى يعرف الكدب
مش من حقك تبعد عنى
بعد ما قلبك يشغلنى
قلبى الى داب فى هواك
حيعيش عمره على ذكراك
مش من حقك تبعد عنى
بعد ما قلبك يشغلنى

# مش من حقك
# أشعار كرم محمد