أنا حدودِك ...للشاعر/ محمد الخضرى

وبتقولِّى أنا لىَّ حدود !
ما أنا حدودِك !
أنا شرقِك أنا غِربك
أنا شَمَالِك والجنوب
أنا قُطبِك وعنوانِك
أنا البوصلة وإسلامِك
أنا المجذوب
أنا برده اللى مش فاهم !!
قصدِك يعنى حدود حُبِك ؟!
أنا حبى بلا أى حدود .......
ولو عايزة أحبِك على حدِك
تبقى وهمانه
يكفينى بوسه على خدِك
ونتفارق
وإن مَاكَنِتشى داخل حدِك
هسيبك واقفة تعبانه
وأقول مكتوب .........
أنا حُبك - يبقى أنا حدِك
تلمى الدنيا حوالىَّ
وتاخدى إيديه بأديكى
وترمينى ف بَرَاحِك
وأبقى- الكُل -حواليكى
مش أخرى حدود حِجرِك !
وتقولى .........
دا دة المعهود !
فوقى شوية من وهمِك
وإنسى ترسمى حدِك
وعيدى البسمة جوايا
هعيد البوسه على خدِك
بدون حدِك .......
ودة المطلوب
أمّنتِك على روحى
وخليتك دوا جروحى
وكنتِ عندى كل الناس
وهوايا اللى مش محدود
كنت أصحى على عينك
وأنام برده على صِوتك
وعنيا هىَّ عنوانِك
وحبلِنا ما كان مشدود
فتحتى ثغرة لية ما بينا
فتّحتى ع الفراق عينّا
حددتى وقت لمصيرنا
وعيشتينا جوة قيود
أنا عاشق ف الهوى عينِك
وحاسِك روحى جوايا
شايفنى حدودك وتقسيمك
وشايفك داءى ودوايا
وإن كنتِ لسة رسمة حدود
أنا ف عشقِك
عمرى ما أكون مغصوب ....
بقلم "محمد الخضرى "