الشاعرمحمد الباز*** الشاعرة رشاعوض

محمدالباز
ياساكنة القلب والنني
ليه قاتلة جوايا حلمي
منايا اكون شاعر معروف
وغيرتك جد بتخنقني
رشاعوض
انا مخلوقه ليك انت
ياكل دنيتى وناسى
بس ازاى كده تقدر
تهين بالبعد احساسى
محمدالباز
ومين قالك ان اقدر
علي بعدك.كدة واهجر
ياروحي نفسي بالرقة
تداوي قلبي اللي متعكر
رشاعوض
حمل البيت علي اكتافي
وقايدالك صوابعي شموع
وكل ما اقولك اسمعني
في ثانية تغير الموضوع
محمدالباز
بالله عليكي تحسيني
وتقرأي كلامي من عيني
دا انا نفسي أكون مرتاح
تبصي جنبك تلاقيني
رشاعوض
انا حساك لكن خايفة
اعتبرني سطر ف كراسك
دا انا نبضك وانا حبك
ومالكةكل احساسك
محمدالباز
وليه خايفة وانا جنبك
دا هنايا معاكي مقسومالي
سيبك من شكوك عقلك
دا مفيش غيرك.علي. بالي
رشاعوض
نفسى تحس ب مشاكلى
والحيرة اللى جوايا
نفسى لما احتاجلك
احس بيك هنا معايا
محمدالباز
انا روحك انا عقلك
تملي القلب مشتاقلك
بس راعيني كدة حبة
وخلي الضحكة ماتفارقك
رشاعوض
انت الضحكه والبسمة
انت نصيبى والقسمه
وليه تسرح ب تفكيرك
ماليش ف الدنيا انا غيرك
محمدالباز
معاكي ياشط أحلامي
منايا تحلي أيامي
وتشوفي بعنيكي حلمي
بيكبر وانتي قدامي
رشاعوض
انا هادعى ومن قلبى
تحقق كل احلامك
وكل خطوه تمشيها
تلاقى الشهره قدامك
محمدالباز
وانا ليكي يانهر الحب
فرحة تحلي أيامك
تعيشي وقتك بكل الود
وتتحقق بيا أحلامك
رشاعوض
بس امانه ياعمري
قصيده تكون كده ليا
تعبر عن مدى حبك
ياسندى وكل ما ليا
محمدالباز
ديوان العشق مكتوبالك
وحروفه مرسومةليكي
ياروحي القلب محتاجلك
منايا وبس اراضيكي
رشاعوض
انا اسفه ومن قلبى
بجد البعد كان ذنبي
أدى قلمك وكراسك
ويسلم ليا احساسك