**لعبة مرسومة**بقلم المبدع / محمد الباز **

لعبة مرسومة
**********

ولسة ياقلبي بتحن

لعيون ليك كات عاشقة

ماخلاص مات الحلم

وانتهي الفيلم .. بمفاجأة

رسموك لعبة .. علي الحيط

يلعبوا بيك ميت مرة

لساك فاكر الغيط

ولعبهم بيك ع الساقية

مانصحتك تهدي م التنطيط

تقولي منايا أعيش وابقي

سابوك ف الازمة متكفي

وف عز جراحك بيتشفوا

ياما قولت ليك ف دقاتك

دولا ضحكة مش صافية

ياخسارة الطيبة اه ياقلبي

والعين بالجراح باكية

اقفل خلاص كدة بابك

دوس علي كل من صابك

وللا تسمع وللاتغفر

ماخلاص الفيلم جاب اخر

ونهايته احمر مش أخضر

**********

محمد الباز
8-11-2016