خايف من بكره ...احمد فتحي

هد حيطان الظلم وثور
ليه دايماً خايف م النور
ليه دايماً عايش مكسور
ارفع صوتك غني واقول
انا انسان

ليه دايماً خايف من بكره
ليه دايماً عايش ف الذكري
انت بشر بتحب وتكره
مش مخلوق من نار وصخور
ولا انت جبان
قوم خد حقك م الشيطان
صاحب الحق اكيد كسبان
ول امتي هتعيش متهان
ول امتي هتعيش مقهور
ورا القضبان
حربك صعبه اكيد مش سهله
والحريه اكيد مستاهله
ضحي عشانها ولاجل تنولها
هد حيطان الظلم وثور
كما البركان
ثورة فكر وثورة علم
مش بسلاح ابداً ولا ظلم
بكفاحنا راح نبني الحلم
ورايتنا ترفرف علي طول
في كل زمان
بقلمي..
....................احمد فتحي