**توب الفقير **بقلم /الشاعرعوني هشام**

**توب الفقر**
======== عونى هشام
صغير ومش عارف

ليه الشقى بدرى
عشان فقير خايف
يكون كدا قدرى

محروم من المدرسه
كان نفسى اتعلم
لا رحت يوم لعبه
ولا مالك اتألم

الدق ع السندال
طول النهار يا خال
ارجع ومش دارى
لامتى هذا الحال

لا حد قال عنك
ولا حد شال همك
لا حد قال انك
عيل من الاطفال

اه يا زمان العجب
العدل فيك اتحجب
قالوا زمان فى الكتب
لكل فعل مقال

انا قلت ما عندى
وشكوتى لربى
الذنب مش ذنبى
ولا بايدى اغير حال
=========

عوني هشام