*إنتي عيدي * ...حسام حسن ..شاعر الحياة

تعشقي من غير كلام
أو تزيدي أو تعيدي
تحلمي يضمك حسام
تسرحي و إيدك في ايدي
تنسي كل ذكرياتنا
أو في لحظه تستعيدي
إنتي عيدي..

تندهي للشوق ياخذنا
ونلحق الحب اللي فاتنا
ونبني فوق الشمس بيتنا
وف عيونك أغني غنوه
وانتي م النشوة تقولي
عيد يا سيدي
إنتي عيدي..
مهما غبتي عن عيوني
إنتي ف الأحلام شجوني
وانتي في الأشواق جنوني
وانتي نجمي وانتي قمري
وانتي كوني
قلبي حبك فين تكوني
ومين تكوني
هايمه ويا ا الروح
وساكنه.. في وريدي
إنتي عيدي..
فاكره صوتك؟!
لما أول يوم سمعتك
كنت حاسس ان انا يومها
عشقتك
ان انا حاضن مشاعرك
وانك انتي
واقفه جمب الحلم تبكي
واني بندهلك تعودي
انتي عيدي
واما اول مره فيها لمست ايدك
آااه يا احساسي بوريدك
كنت حاسس
ان كل الورد لاحمر
اتفق يسكن خدودك
وان شوق القلب عدى حدود حدودي
إنتي عيدي..
باختصار انا دوبت فيكي
شوفت احلامي ف عنيكي
سبت ايامي ف اديكي
بعت كل الكون يا عمري
وانتي وحدك بشتريكي
يا حياتي انا كلي ليكي
انتي وحدك
قلتي لشموع الهوى
ف القلب إيدي
إنتي عيدي.
* حسام