(انت وانتى)بقلمى كريم الحجيري

أنت!!!
تقدر تكلمنى؟
عن وحده بتحبك
تحارب كل الدنيا
وتقف جنبك
تتحمل كتير وكتير
ولا لحظه ف بعدك
تقدر تكلمني؟
عن وحده بتحبك
مقدره ظروفك
مستنيه تنفذ وعدك
تهونلك أيامك
عشان قربك
تقدر تكلمنى؟
عن وحده بتحبك
لو قولت الاااه
تكون قلبك
تحس بوجعك
تشيل عنك
تقدر تكلمنى؟
عن وحده بتحبك
لو شافت طفل
تقول شبهك
بتحلم يوم
يكون منك
تقدر تكلمنى ؟
عن وحده بتحبك
تحب الدنيا عشان فيها
راجل زيك
يصونها ف يوم
لو تكون ملكك
تقدر تكلمنى ؟
عن وحده بتحبك
لو شافت الدمعه
تكون عينك
تتمنى ساعتها
تجرى ف حضنك
تقدر تكلمنى ؟
عن وحده تحبك
تغير عليك
من أختك
لما تكون بتهزر
بتحسدها تقول بختك
تقدر تكلمنى؟
عن وحده بتحبك
لو نطقت اسمها
سيدى امرك
تعرف حقوقها
تخاف ربك ..
تقدر تكلمنى
عن وحده بتحبك
؟؟ تقدر؟؟
انتى!!!!
تقدرى تكلمينى
عن واحد بيحبك
عملك حاجه
اثبتلك
وعن حياتكم قالك كلمه
ريح قلبك
تقدري تكلمينى
عن واحد بيحبك
قالك جايلك يوم
اتقدملك
خلاكى سعيده و طايره
قدام أهلك
تقدرى تكلمينى
عن واحد بيحبك
ما عرفش بنات
ف يوم قبلك
وإن عينه شافت
مايخون وعدك
تقدرى تكلمينى
عن واحد بيحبك
اتمنى يكون
سبب سعدك
ويموت لو دمعه
على خدك
تقدرى تكلمينى
عن واحد بيحبك
شريكى وقلبه
على قلبك
خايف كلمه
تعيب شرفك
تقدري تكلمينى ؟
عن واحد بيحبك
؟؟تقدرى؟؟