**لسه بيني وبين حبيبي **بقلم الشاعر/رضا أبو الغيط**

**لسه بيني وبين حبيبي **
خطوتين
والطريق مفروش ما بينا
بالأماني والحنين
والعيون السود قالوا لي
يا حبيبي مشتاقين
لسه بيني وبين حبيبي
لحظتين
والهوى يجمع ما بينا
واللي بينا
يبقي حنه ف الايدين
لسه بيني وبين حبيبي
كلمتين
نفسي أقولهم للي حبه
جوه قلبي من سنين
بس خايف م الشفايف
والعيون الغدارين
نفسي أسمعهم حبيبي
بس خايف من لهيبي
ونار حبيبي... والأنين

***********************

رضا أبو الغيط