يا مرايتي...
و بتساليني يا مرايتي...
ليه انا النهارده انا حلوه...
يظهر انك ناسيه...
ان النهارده...
حبيبي بعد شويه ميعاده...
و اديني انا اهو بتذوقله...
و ح احطله الروج اللي بيحبه...
علشان لما يبوسني...
تطلع منه ليا البوسه...
حلوه و بطعم حبه...
و ح اتشيكله...
و ح البسله...
لبس يظهرله جمالي...
بس البسله ايه يا مرايتي...
فستان...
و لا تايير...
و لا تي شيرت و بنطلون...
و لا لبس كده عادي...
و لا جيبه و بلوزه قصيره...
علشان لما أقعد انا جانبه...
و يقعد هو يبص علي جمالي...
و البس كعب عالي...
و امشي بيه قدامه اتمخطر...
لاء لاء لاء يا مرايتي..
انا ح البس حاجه واطيه...
علشان ما اكنش اطول منه...
و البسمه ح اخليها...
علي شفايفي تسحره...
و تسريحة شعري...
ح اقعدها ديل حصان...
و لا اسيبه و ارميه لقدام...
و لا اقولك يا مرايتي...
انا ح اربطه...
علشان هو يفرح لما يحضني...
و يفك هو بايده ضفايري...
و من دلوقتي يا مرايتي...
ح اطلع حرارة حبه من قلبي...
و احطها علي كفي...
لما يحضن كفه كفي...
علشان يعرف...
هو من سلامي...
قد ايه انا بحبه...
و صوتي...
صوتي ح اخليه...
ببحة نغم يهمسله...
في ودنه بكلام هو يحبه...
و لساني ح يرتجل...
بقي باقي كلامي...
لما تبقي شفايفي علي شفايفه...
و ادي كمان البرفان...
اللي بيمسك في الوجدان ...
علشان لما نقوم نروح...
يفضل معاه...
يفكره بانه عمره...
تاني ما يأسي و يغيب عليا...
و يسهره طول الليل...
يعشق ملامحي...
و اظن كده يا مرايتي...
اكون ذي اخر مره شافني...
فيها حبيبي...
اللي عدي عليها كذا شهر...
و لا جه مره زارني...
كان فيهم قال مخاصمني...
و مصدقت انه صالحني...
لاء لاء لاء بقي يا عقلي...
علي ايه بقي ح نعاتبه...
و اعكر صفو اللقاء بيه...
اللي قلبي يامه اشتاقله...
دنا و قلبي فرحنا قوي قوي...
لما بعتلي...
علشان قلبه عايز يشوفني...
دنا ح اخده في حضني...
و لا كاني كنت امبارح لسه بقابله...
علشان حبيبي...
ما بيحبش العتاب يا عقلي...
و كفايه عليا انه بعتلي...
و قالي انه مشتاقلي...
و عايز يشوفني...
و انتي بتساليني يا مرايتي...
انا ليه النهارده انا حلوه...
يظهر انك ناسيه...
ان النهاره...
حبيبي بعد شويه ميعاده...
و نا لسه بلبس...
سبيني بقي سبيني...
ح اتاخر علي ميعاد حبيبي...
يا مرايتي انتي ليه بتساليني...
أنا ليه النهارده انا حلوه...
مع تحيات شاعر الوجدان الشاعر السكندري / علي الطاووس
ليست هناك تعليقات:
إرسال تعليق