الدنيا عايزة ايه يا ترى
معدش ف كتابى افراح تتقرا
كل ما امشى لقدام خطوة
ترجعنى ميه خطوة لورا
تعبت يا دنيا من الاعيبك
ما تصالحينى قبل ما اسيبك
اهدى شوية كفاية اسية
وبلاش تدبحينى بسيفك
واقفة ليه دايما ضدى
تقفلى كل الببان وتصدى
ولو سالتك ليه القسوة
ابدا مش عايزة تردى
يا ترى ايه ف جرابك
مستنى يا دنيا جوابك
هى الايام الجاية احلى
ولا هتفضلى على حالك
كفاية انا تعبت منك
وكرهت كدبك وغشك
وباقولك ولاخر مرة
ارحمينى انا مش ادك
انا خلاص تعبت بجد
هو عنادك ما لهوش حد
ليه مش راضية تحنى
و فى كل حتة تبنيلى سد
ليست هناك تعليقات:
إرسال تعليق