**هناك **بقلم المبدع / مجدي احمد**شاعر العشاق**

**هناك **
تحت الشجرة اللي هناك
عند الورد اللي بيرقص ده
انا كنت بنستناك
بدا الطريق وياك من هناك 
فاكر ولا ناسي
لأ دا انت باين ناسي
طب يلا افكرك
يوم مارسمنا القلب هناك
وكتبنا الأسامي
ورسمت انت السهم الأول
ورسمت انا التاني
يومها همست وقلت ف ودني
أه ياحبيبي الشوق غلبني
بشتاقلك وانت بعيد عني
وبدوب لما بكون وياك
عند الورد اللي بيرقص ده
تحت الشجرة اللي هناك

وليلتها القمر كان صاحي
وفردت جناحك وجناحي
وقعدنا نحلم بالجنه
والعش اللي ح يجمع ببنا
و باحلامنا طيرنا
وماحدش حصلنا
ولحد اما وصلنا

وشويه المطر قام اييييييه؟
وشويه المطر قام نازل
والناس قاعدين في المنازل
و مافيش اي حد طالع
وما فيش اي حد نازل
والمطره نازله بتقسم
بتقسيم و احنا بنتبسم
نتبسم مش فاضل غير
نرقص ياحبيبي ونتحزم
عند الورد اللي بيرقص ده
تحت الشجرة اللي هناك

بقلمي \ شاعر العشاق
مجدي احمد