**وسقفلي سقف *بقلم المبدع /جلال عبدالله ...**

**وسقفلي سقف**
شاطر وبلعب بالجلا
حريف مدقدق امزجي 
وبيتي من خيش في الخلا
وعلي ايه تلوم لاتبتلي
عيشنا في لعب الدنجله
قرب وشاهد ياجدع 
معانا صندوق الخدع
مافي زيه شئ لسه اتصنع
وحروفنا فيه متغربله
نصنع حيل ونشيل شيل
قصة بهيه والولا
بهيه كات مغندره 
فى البوق كانت سكره
والواد بحبها ابتلا
كانت ظروفه مقندله 
والحاله كات منيله 
وقلبه كان برسيم غيطان
متشنكل في حبها شنكله
وكل شبان البلد 
على حبها متشكله
وبهيه كانت عودها اخضر
القمر لعيونها يسهر
من خمرها يشرب ويسكر
ويعمل لنفسه مشكله 
بهيه ما مالت لحد
بنت أصل متين بجد
ولكل ناسها تبدي ود
وهي ديه المسأله
خطابها كانو كتير كتير
اللي ابن باشا أو وزير
الكل م الغلبان يغير
ويغور شعار المرحله
خوفوه قالو ياشاطر
بهيه عاوزه ولد معافر
وجاهته حاضره وجيبه عامر
وجيبك انته ملان هوا
قال الولد ان قلبي دابوالغياب اه م الغياب
خايف عليها يميل دماغها
وله شيطانها في يوم
ويتفتح لها الف باب
عقله اتعصر وليه أمر
على السفر 
وعلى الذهاب
ولايعرف ان الدنيا مليانه ابتلا
اه ياطريح الغرام موتك
وله اسباب
وبعد غربة سنين 
عزاب
فارس وراجع للفرس
والخيال اه م الخيال
بيدق في دماغه جرس
في دماغه راح يلقا الفرس
فاضيه بدون خيال
وجد اللي مال مال
واللي ماطلشي ماطال
سرج الفرس مال
وكحيلته ركبها عيال
العقل منه ذهب 
ينده يأ أهل البلد 
مش كنت الموعود
مش كنت الموجود
ماحد يرد سؤال
م الخدعه عقله ذهب 
وللخيام انتسب 
والخيش في عينه حلا
وصنعته يابلد
حاوي بحبه ابتلا
وع اللسان فيه كلمتين
قرب وشوف ياولا
احنا بتوع جلا جلا ...
جلال عبدالله