ليه الحياه...الشاعر بلبل عثمان

ليه الحياه واقفه قصادي
معذباني ومغلباني
مع اني راضي
معيشاني فى هموم كتيره
وكل لحظه عايش فى حيره
وف نفسي كاتم
ما بجبش سيره
وبرضو عادي
بضحك بوشي
ومنين ماتمشي
معاها بمشي
فى اي وادي
لكن حزين
وبداري واضحك
هاشكي لمين
مين فى الزمان ده
هيهمه جرحك
او فيك يدادي
تعبت والحمل كسرني
أقرب ماليه باعني وغدرني
بدعيك يارب تصبرني
ومتفرحش فيه الاعادي
ريحلي قلبي
نور لي دربي
ياتريحني
وتقرب لي ميعادي
الشاعر بلبل عثمان