سجال رقم *1* الشاعر محمد الباز والشاعرة نور

سجال رقم1

الشاعر محمدالباز*الشاعرة نورNoor Ana

محمدالباز

كل القلوب عاشقة
ومناها بكره تعيش
قصة حنين ناشئه
بجناح وحبة ريش

نور
صدقنى انا عاشقاك
بتمنى يوم.... القاك
واخاف ف يوم تبعد
ويضيع فى ليلى هواك

محمدالباز
ماتخافي م الايام
وقلبي تملي معاكي
طيفي من الاحلام
دايما . .بيستناكي

نور
طول ما انت ويايا
مش خايفه م الايام
حبك...... ده دنيايا
مش وهم أو احلام

محمدالباز
أصل الحنين موجود
جوة عيونك  دول
من غير  وعود وعهود
حبل الوداد مجدول

نور

مش عاوزه منك وعد
يكفينى قربك ليا
يا اللي هواك ف البعد
كحل بقي عينيا

محمدالباز
نطير لدنيا جديدة
متذوقة بأحلام
تبقي حياتنا سعيدة
مانحس بالأيام

نور
أنا قلبى كله........ ليك
عاشقه ونفسي ارضيك
لو تطلب كمان روحى
بروحى وعمري افديك

محمدالباز
يسلملي قلبك ياروحي
يانبضي وكل سعادتي
بتمني أعيش وتبوحي
لعنيا بعشقك انتي

نور
بقولها .......بعلو الصوت
مش عاوزه تانى سكوت
بحبكككككك وكلي شوق
وف بعدك أكيد راح أموت

محمدالباز

تعيش ليا......   وبعدي
يافرحة الأيام
لو  عمري كله  يعدي
يكفيني بس سلام

نور
غرامى ليك.. ده  حكايه
مش لاقيه...  ليها نهايه
عاشاقاك ..وقلبي هواك
والفرحه ......أهي جايه

محمدالباز
من كل بنات الحور
قلبي  انا اختارك
ولو الزمان هيدور
تلقيني هنا جارك

نور
شايفني من بنات الحور
وقلبي بيك مسحور
مش هنسي حبك يوم
مهما الزمان هيدور