جاي تقولى ما تحلميش
و إن من غيري تقدر تعيش
و إنى خاينه
و إنى جاحده
إنسانة بارده ما تساويش
كنت فين لما الوحده موتتنى
و أصرخ و أنادي و ماتسمعنيش
فايتنى لعذاب ما بينتهيش
كنت الأمان
حصن الزمان
و فى لحظة بعت عشرة سنين
كنت بأشغل نفسى عنك
كنت أتوه جوه الحنين
كان ياخدنى الشوق لضلك
أروي بدموعى الأنين
لسة فاكره
نظرة عينيك
لمسة إيديك
صوت شفايف هربانين
تعالى
تعالى ننسى اللى فات
ده الشوق جوايا حكايات
هات إيديك إمسك إيديا
عشان ولادنا زهرة حياتنا
دا إحنا من غيرك ما نساويش
دا إحنا من غيرك ما نساويش
ليست هناك تعليقات:
إرسال تعليق