فوقوا يا مصريين ..بقلم أ. سناء السيد

فوقوا يا مصريين

 يا مصر يا غالية
دايما رايتك
 فى السما عالية
ربنا يعزك يا بلادي
يا درة التاج يا غالية
ولادك مفتونين
بين السياسة و الدين
واقعين فى الفتنة
و مش حاسين
إنهم كدة بيضيعوكى
هما فاكرين
كدة بيعزوكى
لا لا يا مصريين
كفاية يا أولاد مصر
يا غاليين
دمكم غالى عليها
ده أنتم ضى عينيها
قوموا و خدوا بإيديها
و إرفعوا راسكم
من الطين
ده طول عمركم
بيضربوا بيكم المثل
بأنكم فى رباط
إلى يوم الدين
يا مصر ده أنت
ِ بلد الأمن و الأمان
و ربنا قال فى القرآن
إدخلوا مصر إن شاء
الله آمنين
فوقوا يا مصريين
ده أعداءها لكم متربصين
فوقوا يا مصريين
عودوا يا مصريين

سناء السيد