بنت بلدي ...اسماء فريد

علي وش بنت بلدي الخير
صباحها بميت موال

يشجينا دايما لحن جميل
لما ترن بالخلخال
يعرف قيمتها كل اصيل
وحبها ف القلب اتشال

علي وش بنت بلدي الخير
صباحها بميت موال
احتارت ف جمالها المواويل
ايه اشعار وايه ازجال
لما نغني يا عين ياليل
علي جمالها مالوش مثال
علي وش بنت بلدي الخير
صباحها بميت موال
ولا تعرف ف الشده عويل
والصبر جواها جبال
علي رقتها الف دليل
لما ترد بكل دلال
علي وش بنت بلدي الخير
صباحها بميت موال