حلم مسجون
جوّه قضبان السطور
حلم متحاوط بآهه
وألف سور
حلم واقف ع الطريق مكسور
جناحه
بس نفسه في يوم يقول ..!!
مهما كان الجرح علـِّم
لسّه عايش مش هاسلِّم
لسّه مؤمن ..
إن حلمي أكيد قريب
وان مهما أكون غريب
مش هقول لليأس فوت
عمر أرضي ما كات خراب
مش هاروح للموت
واموت
خطي خطوه ..
الحلم يبقى .. بعد ما تعافر
وتشقى
تلقى كل الهم راح
والحياه جوَّه العيون
ضي وأمل
لو هتصبر
راح تنول ..!!
هي دي كل القصيده
بعدها مش راح أقول
ــــ
قصيدة حلم مسجون في السطورمن ديوان لسه فاكر
للشاعر قطب صلاح رمضان الشريف
ليست هناك تعليقات:
إرسال تعليق