قبل الفجر...طارق شامخ عبد الجواد

وقبل الفجر مايشاور
لقيت الضي بيروح
وقرص الشمس بآساور
إيديه مربوطة بتنوح
وطيرمحبوس ف زنزانة
وناس بتقول دي حضانة
وفوق الحق ترسانة
لصوت الظلم بتنوح

رضيع النخل يتحاور
وييجي الشر ويطوح
صغير التمر ويجاور
بيوت الحق ويشوح
يشرد طفلة سقعانه
ويخنق نجمة سهرانة
ويقطع وردة عطشانة
ورقها لسه بيفتح
يقول الكدب ويناور
تشوفه تقول ده بيسبح
ويرمي الصدق ف مناور
تحت الآرض تترنح
وشوش م الضرب شبعانة
إيدين ف الاصل شقيانه
عيون م العصر تعبانة
ونازله دموعها بتبجح
بقلم /طارق شامخ عبد الجواد