لسه فاكر
طلعة الصبح ف عينيه
لسه فاكر
لما كان الفجر ينده
اروح بفرحه امسك إيديه
لسه فاكر
نظرة الطفل الحنون
لما كان العمر
في عقله الصغيِّر
صفحه بيضه
خاليه من وهم وظنون
كان يشوف البدر طالع
يرفع الكفين يحوَّط طلته
لما كان بيشوف أبوه
كان يعيش جوه أحلام نظرته
نظرة الأب اللي فوَّض
كل شئ لله وكيله
حتى أمي
كات بتدعي كل يوم
كات بتتمنى الحياه
تصبح في عين كل البشر
مليانه نور
لسه فاكر
لما كنت هناك بذاكر
جنب شجرة توت
على شط البحور
لما كات العين تدمَّع
لما عنـَّا يروح حبيب
يخطفه صمت القبور
لا وربي عمري ما انسى
آاه يا أمي
دا انتي ساكنه جوَّه دمي
لو هتسأل إنت ناكر
راح أقولك مستحيل ..
انكر بلادي
مستحيل ..
دا انا لسه فاكر
ليست هناك تعليقات:
إرسال تعليق