اسكت بقى ..بقلم أ.حسن الأقصرى

اسكت بقي
يللي ف سيرة الخلق
ماسك تريقه
عللي رايح وللي جاي
ناصب لسانك مشنقه
أسكت بقى
عمال بترمي الناس تهم
متلفقه
ليل ونهار عامل رادار
كلك عيون و مبرقه
عيون وعاوزه خزوقه
بص ف مرايتك
شوف حكايتك
قبيحه ولامزوقه
مخلوق سوي ع المسطره
والناس في عينك مسخره
ولا مجرد تريقه
روح صلي فرضك
وإرضي ربك
وخلي رزق من حلال
بدال م عايش سفلقه
إسكت بقى
طهر لسانك يلا توب
وأستغفر الله م الذنوب
دي الٱخره نار ومحرقه
حسن الاقصري