سجال رقم 10
رضا ابو الغيط _ محمد الباز - شاعرة الريف /// الغيبة والنميمة /////
..................................................
رضا ابو الغيط _ محمد الباز - شاعرة الريف /// الغيبة والنميمة /////
..................................................
ر ضا ابو الغيط ///////
شايفه يا فاطمه الواد حسانين
علا البيت خلاه بدورين
انا مش عارف ابن الايه
بيجيب والله القرش منين
علا البيت خلاه بدورين
انا مش عارف ابن الايه
بيجيب والله القرش منين
شاعرة الريف
شفت كمان الواد شعلان
اللي تشوفه تقول غلبان
فتح امبارح كام مشروع
واشتري برضو كام فدان
اللي تشوفه تقول غلبان
فتح امبارح كام مشروع
واشتري برضو كام فدان
رضا ابو الغيط ///
انا مش عارف والله ازاي
ماشيه معاهم زي الفل
وانا مش لاقي تمن الشاي
ومقضيها .......بملح وخل
ماشيه معاهم زي الفل
وانا مش لاقي تمن الشاي
ومقضيها .......بملح وخل
شاعرة الريف
حسرة قلبي علينا يا خويا
دا المحتاس يفضل محتاس
لانا حصلت بهانة جارتنا
وللا حصلت البت ايناس
دا المحتاس يفضل محتاس
لانا حصلت بهانة جارتنا
وللا حصلت البت ايناس
رضا ابو الغيط ///
حتي الواد ابن ام سمير
شايفه بيفطر يااختي فطير
فاكره زمان....... لما ابن الايه
كان بيهف.......... عليه الطير
شايفه بيفطر يااختي فطير
فاكره زمان....... لما ابن الايه
كان بيهف.......... عليه الطير
شاعرة الريف
شفت كمان..... البت اميرة
راجعة وشايلة شيلة كبيرة
لابسه غويشه وجوز حلقان
بعد ماكانت.... بنت فقيرة
راجعة وشايلة شيلة كبيرة
لابسه غويشه وجوز حلقان
بعد ماكانت.... بنت فقيرة
رضا ابو الغيط ////
وللا محمد......... ابن ثنيه
شايفه امبارح جاب عربيه
ابن الحافي ده جابها ازاي
وابوه لسه ... بدون جلابيه
شايفه امبارح جاب عربيه
ابن الحافي ده جابها ازاي
وابوه لسه ... بدون جلابيه
رضا ابو الغيط /////
حظنا ماله ......مش معدول
فقر وهم........ وليل بيطول
انا مش عارف مين يا وليه
سبب الفقر .. ومين مسئول
فقر وهم........ وليل بيطول
انا مش عارف مين يا وليه
سبب الفقر .. ومين مسئول
شاعرة الريف
بص يا فضل الدنيا بتدي
كل الناس الا احنا فلوس
أصل الحظ يا اخويا نسينا
والمنحوس هيعيش منحوس
كل الناس الا احنا فلوس
أصل الحظ يا اخويا نسينا
والمنحوس هيعيش منحوس
رضا ابو الغيط
حتي الرزق كمان بالكوسه
والمنحوس جنبه المنحوسه
شكلها شوطه يا بنت الناس
صابت بيتنا .....والمحروسه
حتي الرزق كمان بالكوسه
والمنحوس جنبه المنحوسه
شكلها شوطه يا بنت الناس
صابت بيتنا .....والمحروسه
شاعرة الريف
شفت امارة.... بنت الحارة
راجعة ولابسة .كمان نضاره
وكمان شاب ماشي مانكجها
فرحانة بيه ...فاكراها شطارة
راجعة ولابسة .كمان نضاره
وكمان شاب ماشي مانكجها
فرحانة بيه ...فاكراها شطارة
رضا ابو الغيط
بعد ما كات قاعده ع الدكه
كترت والله..... معاها الفكه
شكلي انا وانتي يا بنت الناس
هنعيش دايما ......عالم سكه
كترت والله..... معاها الفكه
شكلي انا وانتي يا بنت الناس
هنعيش دايما ......عالم سكه
شاعرة الريف
شفت امبارح. جوز سعدية
شاري دولاب وكمان نامليه
ماشي وماشية مراته معاه
شكل الفكه...... معاه معديه
شاري دولاب وكمان نامليه
ماشي وماشية مراته معاه
شكل الفكه...... معاه معديه
شاعرة الريف
قلبي علينا ...احنا الاتنين
عايشين اكتر م المساكين
الناس تاكل لحمة يوماتي
واحنا يدوب نلمحها يومين
عايشين اكتر م المساكين
الناس تاكل لحمة يوماتي
واحنا يدوب نلمحها يومين
رضا ابو الغيط
امتي البليه هتلعب بس ؟
وناكل مانجا بدل الخس
شكل الدنيا يا فاطمه معانده
ورافضه ف يوم كده بينا تحس
وناكل مانجا بدل الخس
شكل الدنيا يا فاطمه معانده
ورافضه ف يوم كده بينا تحس
رضا ابو الغيط
مش صعبان والنعمه عليا
غير احسان.. والبت عليه
عدا وفات.... العمر عليهم
مش لاقيين غير الطعميه
غير احسان.. والبت عليه
عدا وفات.... العمر عليهم
مش لاقيين غير الطعميه
الابن محمد الباز /////
تعرف امتي الدنيا هتلعب
لما هتعرق ..... يا ابا وتتعب
بطل نق ......شويه وحاول
تتعب حبه وانت هتكسب
لما هتعرق ..... يا ابا وتتعب
بطل نق ......شويه وحاول
تتعب حبه وانت هتكسب
رضا ابو الغيط
اسكت ياد يا ابن المعفوره
سيبنا ننق..... شويه عليهم
يلا اتوكل .......وإلعب كوره
يمكن تحفي ف يوم رجليهم
سيبنا ننق..... شويه عليهم
يلا اتوكل .......وإلعب كوره
يمكن تحفي ف يوم رجليهم
شاعرة الريف
زي ما كون. هما النبيعة
فازوا يا أخويا بكل البيعة
ماجدة وهند ونجوي وسوسو
حتي المايلة..... بنت بديعه
فازوا يا أخويا بكل البيعة
ماجدة وهند ونجوي وسوسو
حتي المايلة..... بنت بديعه
رضا ابو الغيط /////
عايشة حياتها احسن عيشة
بعد ماكانوا بقصعة وخيشة
حتي ابوها ابو عقب سجارة
عامل بيه. .. و بيشرب شيشة
بعد ماكانوا بقصعة وخيشة
حتي ابوها ابو عقب سجارة
عامل بيه. .. و بيشرب شيشة
شاعرة الريف
اه يا عنيا اللي وجعتني
م البصصان علي حاجة الناس
دنياو سايبة الواكل واكل
والعدمان....... لازم ينداس
م البصصان علي حاجة الناس
دنياو سايبة الواكل واكل
والعدمان....... لازم ينداس
رضا ابو الغيط
قالوا علام كده واتعلمنا
وياريتنا ما سمعنا كلامهم
د اللي ماكنش ف يوم ف علمنا
عمال يهبش م اللي ظلمهم
وياريتنا ما سمعنا كلامهم
د اللي ماكنش ف يوم ف علمنا
عمال يهبش م اللي ظلمهم
محمد الباز
انا والله غلبت معاكوا
مش راضين ليه باللي معاكوا
بصوا لبكره يا عالم حبه
وبلاش تاني تبصوا وراكوا
مش راضين ليه باللي معاكوا
بصوا لبكره يا عالم حبه
وبلاش تاني تبصوا وراكوا
شاعرة الريف ////
الايام بتعدي سنين
رايحة معانا الدنيا لفين
يعني الرزق خلاص ودعنا
مش هايشوفنا كدة بقرشين
رايحة معانا الدنيا لفين
يعني الرزق خلاص ودعنا
مش هايشوفنا كدة بقرشين
شاعرة الريف
إلحق قلبي يا فضل وقوم
شوف لي قوام حبة برشام
زاد الضغط وجالي السكر
نبح الضرس حرمني النوم
شوف لي قوام حبة برشام
زاد الضغط وجالي السكر
نبح الضرس حرمني النوم
الابن محمد الباز
مش محتاجة ...وللا دكتور
محتاجة ياامه الحقد يغور
وقتها بس.... هتلقي راحة
وبيتنا هيبقي كمان مستور
محتاجة ياامه الحقد يغور
وقتها بس.... هتلقي راحة
وبيتنا هيبقي كمان مستور
محمد الباز
شوفتي نتيجة النق عليهم
هاتروحوا يا امه كده ف رجليهم
احنا الضغط .....وجع مرارتنا
وهما الرزق....... يصب عليهم
شوفتي نتيجة النق عليهم
هاتروحوا يا امه كده ف رجليهم
احنا الضغط .....وجع مرارتنا
وهما الرزق....... يصب عليهم
محمد الباز
سيبك ياامه م الوسواس
اللي هيخرب ...عقل الناس
استغفري يا حبيبتي الله
تهدي عقولنا ...جوة الرأس
اللي هيخرب ...عقل الناس
استغفري يا حبيبتي الله
تهدي عقولنا ...جوة الرأس
محمد الباز
اوعي يا ابويا تغتاب حد
خليك راجل....... جد الجد
دايما صلي .... واحمد ربك
مهما تكون.... العيشه ع القد
خليك راجل....... جد الجد
دايما صلي .... واحمد ربك
مهما تكون.... العيشه ع القد
محمد الباز
مالنا ومال .. احوال الناس
خلونا دايما ...ياابا ف حالنا
طول ما بننهش لحم الناس
عمر المولي ما واقف جارنا
خلونا دايما ...ياابا ف حالنا
طول ما بننهش لحم الناس
عمر المولي ما واقف جارنا
شاعرة الريف
فعلا يا ابني عندك حق
احنا غلطنا وقولنا كتير
كنا نشوف الناس ونطق
نشمت فيهم كدة ونغير
احنا غلطنا وقولنا كتير
كنا نشوف الناس ونطق
نشمت فيهم كدة ونغير
رضا ابو الغيط
فعلا يا ابني........ انا غلطان
علشان خضت ف عرض الناس
الله يلعن .......كل شيطان
أو انسان...... يغتاب الناس
علشان خضت ف عرض الناس
الله يلعن .......كل شيطان
أو انسان...... يغتاب الناس
شاعرة الريف ورضا ابو الغيط ////
شيلنا معاصي وشيلنا ذنوب
بس خلاص قررنا نتوب
نرضي وتبقي حياتنا سعيدة
لما نسلم بالمكتوب
بس خلاص قررنا نتوب
نرضي وتبقي حياتنا سعيدة
لما نسلم بالمكتوب
مش هعيب ابدا... لو نتعلم
من أولادنا..... الفاهمه الدين
بس العيب كده...... لو نتكلم
من غير فهم ...وعقل رزين
من أولادنا..... الفاهمه الدين
بس العيب كده...... لو نتكلم
من غير فهم ...وعقل رزين
ليست هناك تعليقات:
إرسال تعليق