* مش كفايه *بقلم المبدع /حسام **شاعر الحياة**

* مش كفايه *

اللي فات من عمري..
عمره ما كان معايا

قبل منك كنت عايش..
بس عايش..
والحياه بتزيد أسايا

شوفتك انتي رق قلبي..
وابتدا يحلم معايا

إني أضمك..
إني احبك..
اني اصونك..
إنى ابقى نور عيونك..

وان سألتيني هقولك..
حضنك قلبك مش كفايه

نفسي احس بنبض قلبك..
جوا قلبي ..
كل دقه..
تحكي عن قصة هوايا ..

نفسي احسك..
زي ما تكوني معايا

م النهايه..
عاوزك انتي كل لحظه
كل ثانيه

مش مجرد بس كلمه..
بين حروف الشوق بقولها..
وتبقى دي كل الحكاية.

صدقيني..
مش كفايه.
* حسام